Շավոն որպես լողորդ ջրում իրեն հավասարը չունի։ Չնայած լավագույն արդյունքների, նա չի ընտրվում աշխարհի չեմպիոնատի թիմում: Բայց նա սկսում է մարզվել և ամեն առավոտ սկսում է լճի շուրջ վազքով: Մի օր Շավոն ականատես է լինում, թե ինչպես ուղևորներով լի ավտոբուսը կորցնում է կառավարումը և դուրս գալով ամբարտակից հայտնվում է լճում: Առանց հապաղելու Շավոն սուզվում է ջրի մեջ և քսան րոպե շարունակ կյանքեր է փրկում՝ չիմանալով, որ ջրի տակ նաև Ալիսան է՝ իր հարսնացուն։ Վնասվածքներից առաջացած սեպսիսը և թոքաբորբը Շավոյին ստիպում են պայքարել իր կյանքի համար և վերջ են դնում նրա կարիերային: Ոչ ոք չի հավատում, որ Շավոն երբևէ կարող է կրկին մրցող մարզիկ լինել, նույնիսկ ինքը՝ Շավոն: Փրկելով մյուսներին,  նա կորցրեց իր սերը՝ Ալիսային, և իր ապագայի հանդեպ հավատքը։
Շավոն, ի վերջո, գտնում է իրեն մարտահրավեր նետելու միջոց, և վերադառնում է մարզմանը՝ գերազանցելու իր 11-րդ համաշխարհային ռեկորդը: